«26_0001
Инок Парфений (Агеев)
Сказание о странствии и путешествии по России, Молдавии, Турции и Святой Земле. Часть первая. Странствия и путешествия по России и Молдавии»
«26_0001_55
28
35. д) О единой Святой Восточной Церкви и славе ее
О единой Святей Восточной Церкви и о славе ее, яко от начала мира в гонении врата адова не одолеша ей: глава вторая.
«Гряди, покажу ти невесту, Агнчу жену (Откр.21:9). Всещедраго и Преблагаго Бога благостию и человеколюбием, во благодати Господа нашего Иисуса Христа, по действу Святаго Духа изрекох о Святой Соборной Апостольской Церкви Восточной, Кровию Христовою уневещеной, от Сиона Божественным законом и словом Господним от Иеросалима произшедшей, враты адовыми никогдаже преодолеемой, от Богодухновеннаго Писания к утвержению истинным чадом сионским вкратце помянуги. Надежу на Господа Бога возложив, сию главу на трое разделю. В первой части, яко едина есть Церковь Христова; во второй о величестве ея, яко превыше всея твари есть; в третьей, яко от начала мира гонения претерпевает, и врата адова, наипаче же меч турецкий, верных не одоле. О Господи, благослови и поспеши!»
«Едина ecu, голубице моя, совершеная моя ecu ( ). Премудрость Божия рече. В книзе третьей Ездры пророка свидетельство знаменитое: «якоже, Господи Боже, Ты сам един еси, такоже и от всех созиданий градов освятил еси Себе Сион; и от всех сотворений летающих именовал еси Себе голубицу едину; и от всех умноженных людей взыскал еси Себе люди едины» ( ). Кто суть люди сия? Сии суть, иже знают и истинно веруют во единаго истиннаго Бога; о нихже Христос Спаситель наш молился Богу Отцу, глаголя: Отче Святый! соблюди их во имя Твое, ихже дал ecu Мне, да будут едино, якоже и Мы ( ). Дает же ведати и святой Апостол Петр о сих: вы же род избран, царское священие, язык свят, людие обновления ( ). И святой Апостол Павел вельми яве пишет: вы есте церкви Бога живаго ( ). Той же святый инде: едино тело, един дух, якоже и звани бысте во едином уповании звания вашего ( ). Един Господь, едина вера, по свидетельству апостолову ( ); то уже иныя все ереси, а не веры. В Божественном Писании многоименны глаголются церкви, якоже во псалме: в церквах благословите Бога, Господа от источник Израилев ( ). «